USD
МӘСКЕУ. 25 қыркүйек. Ресейлік спорт журналисі Софья Тартакова Қазақстан атынан түсіп жүрген теннисші жерлесі Елена Рыбакинаның қазір әбден қаусап жүргенін, оның әзір жарыстарға қатыспайтынын айтты. Бұл туралы championat.com ақпарына сүйенген rast.kz хабарлайды.
«Ресейлік спорт журналисі Софья Тартакова жақында денсаулығына байланысты бірқатар турнирлерден бас тартқан қазақстандық теннисші Елена Рыбакинаның жағдайына қатысты пікір білдірді», – делінген хабарламада.
«Көптеген адамдар мұндай денсаулық проблемаларының себебін түсінбейді. Оның қазір қиналып жүргені, арқасы ауыратыны айтылды. Бұл – ресми себеп. Содан соң жыл бойы асқазаны ауырды. Бірақ онымен бірге жұмыс істемеген, бірақ кәсіби мансабына қатысқан адамдар айтқандай, қазір ол қатты күйзеліске ұшыраған және мұның бәрінің психосоматикалық әсері бар. Қазір оның құр сүлдері жүрі, өзі әбден қаусап, титықтап қалған, сол себепті де ол ойнай алмайды», – деді Тартакова YouTube желісіндегі «MORE!» жобасында.
Елена Рыбакина биыл өзі қатыса бастаған қатарынан үшінші турнирден (US Open, Сеул, Бейжің) шығып қалды. Ол бұған қоса, жақында әлеуметтік желілерде бес жыл жұмыс істегеннен кейін хорват бапкері Стефано Вуковпен ынтымақтастығын тоқтататынын да атап өткен еді.
