USD
АЛМАТЫ. 23 қыркүйек. Әлемнің бірінші ракеткасы – қазақстандық теннисші Елена Рыбакина АҚШ-тың ашық чемпионатындағы жеңісінен соң Алматыға келіп қонды. Бұл туралы Sports.kz ақпарына сілтеме жасаған rast.kz хабарлайды.
Рыбакинаның өзі бүгін инстаграмдағы «сторисіне» Алматыға келіп қонған сәтінде гүлге оранып тұрғаны түсірілген суретті салыпты. Бұған жүректің эмодзиін қосып қойыпты.
Бұдан бұрын теннисшінің сыртта бірнеше іс-шараға қатысып болғасын, сондай-ақ өзіне Қазақстан құрамасы сапында Билли Джин Кинг Кубогының финалдық бөлігіне қатысуға мүмкіндік бермей тұрған жарақатынан арылу ем-домдам жасатып алғасын, елге келіп қайтатыны хабарланған болатын.
Еске сала кетейік, Елена Рыбакина US Open-2026 финалында Беларусь өкілі Арина Сабаленканы үш партияда (6:4, 5:7, 6:2) ұтып, «Үлкен дулығаның» үш дүркін чемпионы атанған еді. Осының нәтижесінде әйелдердің WTA әлемдік рейтингісінде тұңғыш рет бірінші сатыға көтерілді.
