РФ президенті Владимир Путиннің Алтайдағы астыртын «бункері» өртеніп кетті
МӘСКЕУ. 31 мамыр. Ресей президенті Владимир Путиннің Алтай өлкесінің Онгудай ауданында орналасқан резиденциясының бір ғимараты отқа оранды. Бұл туралы «Сирена» ақпарына сүйенген rast.kz хабарлайды.
Жанып жатқан нысан кадрларын блогер Амыр Айтишев пен белсенді Аруна Арна әлеуметтік желілерге салып таратқан. Оқиға 30 мамыр күні орын алған.
Рәсімде жанып жатқан ғимараттың сұлбасы анық көрініп тұр. От оның аумағын тұтасымен толық жаулап алған. Мына қалпында жарамсыз болып қалатыны анық.
Онгудай ауданы – Алтай республикасының территориясындағы әкімшілік-аумақтық бөлініс. Ауданда 14 мың адам тұрады. Олардың 79,95 пайызының алтай ұлтынан болса, 17,8 пайызы орыстар екен.
Резиденция табиғаты келіскен керемет жерге орналасқан.
«Алтай республикасының Онгудай ауданындағы «Путиннің саяжайынан» өрт шықты. Резиденциядағы 2015 жылы Ресей президенті итальян премьер-министрі Берлускониді қабылдаған ғимараттардың бірі жанып жатыр», – деп жазды Айтишев өзінің телеграм-арнасында.
Ал РФ төтенше жағдайлар министрлігінің мемлекеттік басқармасы Онгудай ауданында соңғы тәуліктерде болып жатқан өрт оқиғаларына байланысты түсіндірме бермеген. Бірақ ресурстың ишарасына қарағанда, мұндағы өрттің қолдан жағылғаны жөнінде болжам бар. Осылайша диктаторға қатысы бар аумақтардың бәрінде осындай оқыс оқиғалар жиі орын алатын болып жүр.
Жалпы, Ресей президентінің мұндай бірнеше бункері бар екені көптен бері айтылып жүр. Соның ең бастысы Башқұртстандағы Жамантау тауының етегінде сияқты. Тағы бірінің Новгород облысында орналасқаны «вагнершілер» қолбасшысы Евгений Пригожиннің ұшағы әуеде жарылып кеткен кезде белгілі болды.
