USD
УАШИНГТОН. 27 сәуір. Қырым түбегі бұдан былай РФ армиясының ықтасын панасы бола алмайды. АҚШ Украинаға оны оңды-солды атқылауға келісті. Бұл туралы «Диалог.ua» ақпарына сүйенген rast.kz хабарлайды.
«Украина енді Кремль армиясына соққы беру мақсатында оккупацияланған түбекті атқылаудың астына ала алады», – деп атап көрсетті ресурс өткен түндегі жарияланымында.
Ресей армиясы 2014 жылы басып алған Қырым түбегі соғыс басталғалы бері ресейлік әуе-қорғаныс және жер жағдайындағы әскерлер үшін салыстырмалы түрде қауіпсіз аймаққа айналып келіп еді. Алайда Украина Қарулы күштерінің арсеналында кемі 300 шақырым қашықтағы нысананы беймалал ала беретін ATACMS зымырандары пайда болғаннан кейін бұған қатысты ахуал күрт өзгергелі тұр.
АҚШ-тың The New York Times (NYT) газеті Пентагонның жоғары лауазымды өкілдеріне сілтеме жасап жазғанындай, АҚШ билігі Украинаға РФ армиясының нысандарын нысанаға алып, Қырымды ATACMS ракеталарымен атқылауына «жасыл жарық» жандырып беріпті.
«Жаңа жүйе Украинаның Ресей басып алған бөліктеріне мейлінше тереңдетіп барып, РФ армиясының оңтүстік-шығыстағы бөлімдеріне күйрете соққы жасауына зор мүмкіндіктер береді», – деп жазды мәтбұғат.
Журналистермен анонимдік жағдайда сөйлескен америкалық шенеуніктер Украинаның өткен сейсенбіге қараған түні жай басып алған Бердянскіге жасаған шабуылында ATACMS ракеталарын қолданғанын атап өтті. Бұдан бұрын украиндар Джанкойдағы әскери аэродромды да осы қарумен атқылаған болатын.
Бұдан алдын NYT басылымы АҚШ-тың Украинаға берген әскери көмегі пакетінде ATACMS ракетасының 100 данасы болғанын жазған еді. Ал Конгрестің бекітуімен, Джо Байденнің қол қоюымен қабылданған заңның аясында Киевке берілетін қару-жарақтың арасында аталмыш зымыранның үлес салмағы өте жоғары болғалы тұр
