АҚШ-тың құпия қызметі Трампты түрмеге отырғызуға дайындықты бастады
УАШИНГТОН. 25 сәуір. АҚШ-тың қазіргі және бұрынғы президентерді күзетумен айналысатын құпия қызметі Дональд Трамптың сотталуына дайындалып жатыр. Бұл туралы The Moscow News ақпарына сүйенген rast.kz хабарлайды.
The New York Times газетіне берген сұхбаттарында осыдан хабары бар кісілер АҚШ-тың бұрынғы президенті өзіне таңылып жатқан қылмыстық істердің тым құрығанда біреуі бойынша сотталған жағдайда оны түрмеде қадағалап отырудың жоспарын жасаудың қолға алынғанын атап өтті.
Олардың айтуларынша, бұрынғы президенттің түрмедегі қауіпсіздігін қамтамасыз ету мәселесі оңайға соқпайтын түрі бар. Енді Трамптың қауіпсіздігі мақсатында оны басқа қамалушылардан бөлек ұстауға, сондай-ақ жейтін тамағы мен жеке заттарын ұдайы тексеріп тұруға тура келеді.
Егер Трамп түрмеге отырғызылып жатса, арнайы қызмет агенттерінің бір бөлігіне аптаның жеті күнінде бір-бірлерін алмастыра отырып, 24 сағаттан жұмыс істеу қажет болады
