СВР басшысы: Франция Украинаға 2 мың сарбаз жіберуге дайын тұр
МӘСКЕУ. 20 наурыз. Ресей сыртқы барлау қызметі (СВР) Францияның екі мың адамнан тұратын контингентті Украинаға соғысқа жіберуге дайын екенін мәлімдеді. Бұл туралы The Moscow News ақпарына сүйенген rast.kz хабарлайды.
«Ресейдің сыртқы барлау қызметіне келіп түскен мәліметтерге сәйкес, Францияда Украинаға жіберу үшін арнайы контингент дайындалып жатыр. Бастапқы кезеңде ол шамамен 2 мың адамды құрайды», – деді РФ сыртқы барлау қызметінің директоры Сергей Нарышкин ТАСС тілшісіне берген сұхбатында.
Ол контингент келтірілген жағдайда француз әскері Ресей армиясының шабуылдары үшін «заңды заңды нысанаға» айналатынын айтты.
Ақпан айының соңында Франция президенті Эммануэль Макрон батыс елдері лидерлерінің Украинаны қолдау мәселесіне арналған кездесуінен кейін «бүгінде құрлық әскерлерін бұл елге жіберуге қатысты консенсус жоқ» деп мәлімдеген еді, бірақ сонымен бірге «болашақта бұлай болып қалуы мүмкін екенін жоққа шығаруға болмайды», – деген-ді.
Кейінірек Макрон Француз саяси партияларының басшыларымен кездесіп, олармен елдің әскерлері Украинаға енгізілу ықтималдылығы сценарийін талқылады. Атап айтқанда, ол Одесса немесе Киев майдандарының шебі ішкері қарай бұзылып кеткен жағдайда Ресеймен соғысу үшін сарбаздар жібере алатынын баяндаған болатын.
Сондай-ақ, «француз билігі арнайы күштер мен әскери бөлімдерге Украина шекарасынан өтуге рұқсат беруді қарастыруда», дейді Le monde мәтбұғатының мәнбелері. Олардың айтуынша, Париж мұндай шешім Мәскеуге «стратегиялық дилемма» әкеледі деп есептейді.
