Лукашэнка өзін жетінші президенттік мерзімге ұсынатынын мәлімдеді
МИНСК. 25 ақпан. Беларусь президенті Аляксандр Лукашэнка (белорусша аты-жөні осындай) өзін алда болатын президент сайлауында үміткер етіп ұсынатынын айтты. Бұл туралы БелТА ақпарына сүйенген rast.kz хабарлайды.
БелТА оның Батыс қоғамға қысымын күшейткен сайын өзі тезірек осы сайлауға түскісі келетінін айтқанын жазды.
«Менің сайлауға баратынымды жеткізіңдер», – деді Лукашэнка журналистердің келесі президенттік сайлауға түсетін-түспейтіні жайында қойған сұрақтарына жауап бере тұрып.
«Шынын айтсам, тап Беларусьтегі сияқты ашық та әділ сайлау әлемде еш жерде жоқ! Ол бізде – мереке! Біз шынайы да адал саясат жүргіземіз! Бізге тыныш тіршілік керек, сол үшін бәрін де істейміз!» – деді ол.
Беларусьте келесі президент сайлауы 2025 жылы өтетін болып белгіленген.
Лукашэнка «ең бір радикал тәсілмен де Беларусьтегі билікті құлату мүмкін емес» екенін атап өтті.
Аляксандр Лукашэнка 1994 жылдан бастап, алты президенттік мерзімде Беларусьті басқарып келеді. Халықаралық қауымдастық жалғандық пен адам құқығын бұзу орын алуына байланысты бір жарым ай бойы бейбіт шеруге шыққан халықты күштік органдармен күшпен басқандықтан, мұның алдында, 2020 жылы өткен сайлаудың нәтижесін мойындамады.
