USD
МИНСК. 6 ақпан. Өз президенттері Александр Лукашенконың арқасында белорус әскерилері азаматтарға қарсы қару қолдана беруге құқық алды. Бұл туралы The Moscow News ақпарына сүйенген rast.kz хабарлайды.
Президент Александр Лукашенко Беларусь Республикасы Қарулы күштерінің ішкі қызмет жарлығына тиісті өзгерістер енгізді. Атап айтқанда, мемлекет басшысы құжаттың 11-бабын өзгертуге өкім берді. Оның жаңа редакциясында әскери қыметкерлер өзіне жүктелген міндеттерді орындау кезінде «қалыптасқан жағдайға, қылмыстың, әкімшілік құқық бұзушылықтың сипатына және құқық бұзушының жеке тұлғасын ескере отырып, қару қолдана алатыны» айтылған.
Бұған дейін қару қолдануға ниеті бар екені «өте айқын және айқын» ескертілуі керек. Сондай-ақ, құқық бұзушыға әскери немесе басқа азаматтардың өміріне қауіп төндіретін немесе «өзге де ауыр зардаптарға» әкеп соғуы мүмкін жағдайларды қоспағанда, айтылған талаптарды орындау үшін жеткілікті уақыт беруге міндетті.
«Беларускі Гаюн» мониторигтік тобы Лукашенкоға тікелей бағынышты әскерилер мен күштік құрылымдардың соңғы жылдары өз елдерінің азаматтарына бірнеше рет қару кезендерін, олардың соңы адамдардың ауыр дене жарақатын алуларына, кейде тіпті қаза табуға апарғандарын жазады.
