USD
КИШИНЕУ. 26 қаңтар. Молдова мемлекетінің бас антикоррупциялық прокуроры Вероника Дрегелин орыс тілді журналистің сұрағына принципті түрде жауап бермеді. Бұл туралы «Диалог.ua» ақпарына сүйенген rast.kz хабарлайды.
«Молдованың антикоррупциялық прокуратурасының жетекшісі Вероника Дрегелин өзіне орыс тілінде қойылған сауалды «Мен орысша түсінбеймін» деген уәжбен қайтарып тастады», – делінген хабарламада.
Журналист қыз орысша сөйлей бастағанда-ақ Дрегелин оның сөзін бөліп жіберіп, елдің мемлекеттік тілі – румын тілінде сөйлеуді өтінді. Алайда тілші оның ескертпесін елемей, қайтадан орысша сөйлей бастады.
«Мен сізге ештеңемен көмектесе алмаймын, мен орысша түсінбеймін, сіз маған енді хат түрінде жазбаша сұрақ жібере аласыз, оны маған аударып беріп, жауап қайтарады», – деді прокурор.
Еске сала кетейік, жақында Киевте таксиші мен жолаушылар арасында тілге қатысты жанжал туады. Жүргізуші жігіт әйелдермен сөзге келіп қалып, оларды жолдың ортасында түсіріп кетеді. Ал жолаушылар оның мұнысын кешірген жоқ, тиісті орынға шағым айттты. Нәтижесінде тіл жөніндегі обмундсмен оған қомақты айыппұл төлетті. Сөйтсе, таксиші әйелдерден орысша сөйлеуді талап еткен екен.
