Еурокомиссия Google-ді Кремльді насихаттап отыр деп айыптады
БРЮССЕЛЬ. 9 қаңтар. Еуропалық комиссия Google бастаған бірқатар танымал компаниялар Кремльге қызмет етіп жүр деген шу шығарды. Бұл туралы The Moscow News ақпарына сүйенген rast.kz хабарлайды.
Осыған орай комиссия Google мен басқа да ірі технологиялық компанияларды ресейлік және беларустік тәуелсіз бұқаралық ақпарат құралдарына Мәскеу пропагандистеріне қарсы күресте көмек көрсетуге шақырды. Оппозицияда жүрген журналистердің пікірінше, Кремль насихатшылары іздеу алгоритмдерінің артықшылықтарын пайдаланып жүр. Еурокомиссияның вице-президенті Вера Юрова Financial Times газетіне берген сұхбатында осыны мәлімдеді.
«Жалған ақпаратпен күресу және еркін БАҚ-тарға қолдау көрсету – медальдің бір беті, біз ірі технологиялық компаниялардың мұның екеуімен де айналысқанын қалаймыз», – деді Вера Юрова.
«Мұның өзі Минск мен Кремльдің насихатына емес, шынайы ақпарлардың қолжетімділігін қамтамасыз ету керектігін білдіреді», – дегенді қосты ол сосын Беларус пен Ресейдің насихаттары кең тарап жатқанына наразылық таныта отырып.
Беларустың оппозиционер журналистері комиссияға Алексяндр Лукашенконың режимін сынаған конетттер тиесілі аудиторияға жетпейді деп шағымданды, бұған Google, Meta секілді іздеу алгоритмдерінің Беларус цензурасының ережелерін ескере отырып жұмыс істейтіндері әсер етіп отыр.
Юрова желтоқсан айында Google Халықаралық істер жөніндегі президенті Кент Уокерге Беларускеа қатысты алаңдаушылықтарын білдірген еді, ал мамыр айында Google компаниясының бас атқарушы директоры Сундар Пичаймен осы мәселелерді талқылады. Ол Ресейдегі тәуелсіз бұқаралық ақпарат құралдарының мәселелеріне назар аударды, мысалы, Ресейдегі YouTube-те жарияланған мазмұнды монетизациялай алмау. «ЕО-да онлайн платформалардың дұрыс істеп жатқанына көз жеткізу үшін заңдар мен бастамалар бар», – деді Юрова.
