Автобус жүргізушісін ұрып, үш адамның өліміне себепші болған адам қамалды

26.12.2023

0 46

Male Policeman Forcing a Compliant Civilian on the Hood of Police Car. Officer Violently Pushing Man Against the Car and Handcuffing Him. Shocking Case of Police Brutality. Close up on Hands

АЛМАТЫ. Оңтүстік мегаполисте автобус жүргізуші әйелді естен тандыра ұрып, үш адамның қаза табуына тікелей әсер еткен жолаушыға қатысты сот үкімі шықты. Бұл туралы El.kz ақпарына сілтеме жасаған rast.kz хабарлайды.

Алматы қаласы мамандандырылған ауданаралық тергеу сотының мәліметінше, 24 желтоқсандағы сот қаулысымен сотқа дейінгі тергеп-тексеру органының өтінішхаты қанағаттандырылып, күдікті А-ға қатысты 2 ай мерзімге қамауда ұстау түріндегі бұлтартпау шарасы қолданылды.

Оқыс оқиға 22 желтоқсан күні Алматыда №47 бағыттағы қоғамдық көліктің ішінде орын алған. Онда бір жолаушы жанжал шығарып, жүргізуші әйелді ұрған. Соның салдарынан шофер есінен танып, көлікті басқара алмай қалған. Басқарусыз көлік жол бойында бірнеше адамды басып кеткен, нәтижесінде 3 адам қаза тауып, 4 адам әртүрлі жарақат алған.

Инциденттен кейін жанжал шығарған жолаушының әрекеті түсірілген видео әлеуметтік желіде жарияланды. Ол «Балама баруым керек, балама баруым керек», деп көліктен түсіп қашып кетпекші болған. Бірақ сырттан кірген кісілер сол бойда ұстап алып, тәртіп сақшылары келгенше ешқайда жібермеген.

Таңбалар