Украин әскерлері Крынки түбінде басқыншылардың бір ротасын қырып тастады
КИЕВ. 24 желтоқсан. Украина Қарулы күштері Днепр өзенінің Херсон облысы жеріндегі сол жағалауында Ресей оккупациялық армиясының бір ротасын түгелімен жойып жіберді. Бұл туралы «Диалог.ua» ақпарына сүйенген rast.kz хабарлайды.
«Украин армиясының бөлімшелері Херсон облысының сол жағалауында талқандауда жалғастырып жатыр». – делінген хабарламада.
Подразделения украинской армии продолжают громить россиян на левом берегу Херсонской области.
РФ әуе-десант әскерлері 337-ші полкының 1-ші штурм ротасы Херсон облысының Крынки ауданында толық жойылып жіберілді. Мұны ресейлік солдаттың анасы Наталья Карпова айтты. Оның ұлы Сергей Карпов осы ротада қызмет етеді. Әйелдің осыны айтып тұрғаны түсірілген видео телеграм-каналдарда тарады.
Солдат анасының айтуынша, рота өзге бөлімшелердің қорғауынсыз украин позицияларына шабуылға шыққан. Раша жауынгерлері өте нашар жарақтандырылған және киіндірілген. «1-ші штурм ротасы кеше кешке Крынки түбінде түгел жер қойнына берілген», – дейді видеода әйел.
Наталья Карпова келесі жолы өзінің ұлы да тап осылай опат бола ма деп қауіптенеді. Бұл жолы рота сапында шабуылға қатыспай қалған екен.
Ресейлік белгілі журналист Юлия Латынина Днепрдің сол жағалауында орын алған бұл операцияның украин бөлімшелері үшін өте табысты аяқталғанын жазады. Ол украин жауынгерлерінің бірден 5 маңызды нысанға қол жеткізгенін атап өтті.
