Сыбайлас жемқорлықтың алдын алу жолдары жан-жақты түсіндірілді – семинар
ҚЫЗЫЛОРДА. 31 шілде. Бүгін Қызылорда қаласының әкімдігінде мемлекеттік қызметшілердің әдеп нормаларын сақтау және сыбайлас жемқорлыққа қарсы іс-қимыл туралы түсіндіру жөнінде семинар өткізілді. Бұл туралы Kyzylorda-news.kz ақпарына сүйенген rast.kz хабарлайды.
Семинарды қала әкімі аппаратының жетекшісі, әдеп жөніндегі уәкіл Жасұлан Абатов жүргізді. Оған қалалық мәдениет және спорт бөлімі қызметкерлері қатысып, мемлекеттік қызметшілердің әдеп нормаларын сақтау және сыбайлас жемқорлыққа қарсы іс-қимылдары хақында дәріс тыңдады.
Аппарат жетекшісі әр мемлекеттік қызметшінің жұмыстан тыс уақытта өз іс-әрекеті мен мінез-құлқына жауапты екенін, ал кез келген жағдайда әдеп қағидаттарын сақтау қоғамның мемлекеттік қызметке деген жоғары сенімінің негізі болып табылатындығын есте сақтау қажеттігін әңгімеледі..
Сонымен қатар, мемлекеттік қызметшілер әріптестерімен қызметтік қарым-қатынаста мемлекеттік қызметшілерге қойылатын жалпыға бірдей қабылданған моралдық-әдептік нормаларды сақтау жөніндегі талаптары да ескертілді.
Жиын соңында аппарат басшысы, әдеп жөніндегі уәкіл Жасұлан Абатов бөлім қызметкерлеріне Қазақстан Республикасы мемлекеттік қызметшілерінің әдеп кодексінің нормаларын сақтау, сыбайлас жемқорлық көріністерінің әрбір фактісіне мұқият талдау жасау, оларды жою жөнінде шаралар қабылдауды, қызметкерлер арасында басшылардың өз бағыныштылары үшін жауапкершілігі туралы түсіндіру жұмысын жүргізу жөнінде бірқатар тапсырмалар берді.
Дамир ҚОЖАМҚҰЛ
