Қазалы жастары «сыбайлас жемқорлыққа жол жоқ» екенін мәлімдейді

ҚАЗАЛЫ. 31 шілде. Қызылорда облысының Қазалы ауданында «Сыбайлас жемқорлыққа жол жоқ» атты тақырыпта ашық диалог алаңы болып өтті. Бұл туралы Kyzylorda-news.kz ақпарына сілтеме жасаған rast.kz хабарлайды.

«Қазалы ауданында «Сыбайлас жемқорлыққа жол жоқ» тақырыбында ашық диалог алаңы ұйымдастырылды», – делінген хабарламада.

Ашық диалог алаңы «Qazaly Jastar Resurstyq Ortalygy» бастамасымен жүргізілді. Ол сыбайлас жемқорлықты болдырмау және оның алдын-алу мақсатын көздеді.

Іс-шараға жас мамандар қатысып, қоғамда белең алып бара жатқан жемқорлықты жою, оның алдын алу мәселелері турасында жан-жақты әңгіме қозғады.

Қоғамның қазіргі таңдағы басты мәселенің бірі – қоғамдағы сыбайлас жемқорлық. Жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі.

«Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер жүзеге асырылуда. Сыбайлас жемқорлықпен күресу барлық Қазақстан Республикасы азаматтарының азаматтық борышы деп білуіміз керек.

Руслан ИГІЛІК