USD
КИЕВ. 15 маусым. Украина әскерлері РФ басқыншыларына қарсы шабуылға әзірге 12 бригаданың 3-ін ғана қосып отыр, сарапшылар басты шайқастардың алда тұрғанын айтады. Бұл туралы Reuters дерегіне сүйенген rast.kz хабарлайды.
«Украина Қарулы күштері бір аптадан бері қарсы шабуылды жалғастыруда, бірақ Киев соғысқа дайындалған бөлімшелердің азғантай бөлігін ғана іске қосты, басты шешуші ұрыстар әлі алда», – деп есептейді батыс аналитиктері.
«Кескілескен ұрыстарға толы ұрыстардың бір аптасы артта қалғаннан кейін Киевтің нағыз күшті қарсы шабуылының әлі алда екені белгілі болды, сондықтан, украин әскерлері әзірге Ресейдің басты қорғаныс шебінен белгілі бір қашықтық ұстап тұр, ал шабуыл үшін арнайы дайындалған күштердің негізгі бөлігі әлі өз сағатын күтуде», – делінген Reuters ақпарында.
Соғыс барысын мұқият қадағалап отырған поляк аналитигі Конрад Музыка қазір Украинаның қарсы шабуыл үшін арнайы дайындықтан өткен 12 бригадасының тек 3-і ғана соғысқа қосылып отырғанын баяндады.
Аналитиктердің мәліметтері бойынша, Украина қарсы шабуыл операциясын жүргізу үшін 12 бронды танк бригадасын дайындаған, олардың 9-ы түгелдей Батыс техникасымен жарақтандырылған.
Бригадада әдетте кемінде 3500-4000 әскери қызметкер болады. Киев сондай-ақ Ішкі істер министрлігінің 40 000 солдаттан тұратын 8 штурм бригадасын сапқа қойғанын мәлімдеді.
Сарапшылар қазір Украина армиясының негізгі күштерді Запорожье облысының Орехов қаласы мен Донецк облысының шығыс шекарадан 80 шақырым шамасында орналасқан Великие Новоселки елді мекеніне төгіп жатыр.
Украина Қорғаныс министрінің орынбасары Ганна Малярдың айтуынша, украин әскерлері бүгін тағы 6,5 шақырым ілгері жылжып, майданның 100 шақырымға көлбей созылып жатқан оңтүстік шебінің 90 шаршы шақырымдық аумағын жаудан тазартып алуға қол жеткізген.
Музыка қарсы шабуылдың айтарлықтай табысты жүріп жатқанын алға тартады. Бірақ ол «5-6 күннен кейін, неге екені белгісіз, бәсеңсіп қалған», – деп те отыр.
Осы ретте Reuters әуе күштерінің кемдігінен қарсы шабуыл біраз қиыншылықтарға тап болып жатқанын жазады. Киев бірнеше ай бойы Батыстан F-16 истребительдерін жеткізіп беруді сұраған еді, бірақ әзірге оның біреуін де алған жоқ.
Осы тұста НАТО-ның бас хатшысы Йенс Столтенберг украин ұшқыштарын оқытып үйрету басталғанын мәлім етті. Ол мұны бүгін «Рамштейн» жиынында айтты. Алайда истребительдерді беретін уақыттың әлі нақты шешілмегенін баяндады.
Неміс әскери сарапшысы 1945 жылдан бері әлемде дәл қазіргідей ірі соғыс операциясы болмағанын айтып отыр. Ол бұл соғыста Украина Қарулы күштерінің жеңіп шығатынына сенімділік білдірді.
