РФ депутаты: «Енді Армия жоқ! Шекараны өздерің қорғаңдар»! (видео)
МӘСКЕУ. 2 мамыр. Ресей мемлекеттік думасының депутаты, генерал Андрей Картополов халыққа әскердің жойылып біткенін, енді өздерін өздері қорғау керек екенін айтты. Бұл туралы ресейлік ресурстарға сілтеме жасаған rast.kz хабарлайды.
«Бізде енді армия жоқ. Шекараны өздерің қорғаңдар!», – деді генерал-полковник.
Андрей Валерьевич Украинадағыдай, жер-жерде территориялық қорғаныс жасақтарын құруды ұсынды. Мемлекеттік думада мұны қолдағандар да табылды.
Ютуб желісінде жарияланған видеоға орай жазылып жатқан комменттерде Ресей билігін кінәлау өте көп. Көрермендердің бірі: «Бұқараны жаппай топастандыру!!! Жақын он жылда бірдеңенің өзгере қоятынына күмәнім бар. Бұл елдің ендігі ертеңі не болады, оны ешкім айтып бере алмайды» деп жазса, тағы бірі: «Бұрынғы генерал халыққа жақсы үндеу жариялапты, шекараны өздерің қорға деген. Ал өздері думада отырып, теледидардан жұртқа қалай өмір сүру керек екенін үйретпекші» деп тұжырымдапты. Тағы бір желі пайдаланушы: «Басқа халық болса, мұндай үкіметті баяғыда шаң-тозаңға айналдырып жіберер еді!» депті ызаланып.
Дегенмен, депутат сөзінің жаны бар. РФ армиясының соғыста қаза тапқан жауынгерлерінің саны 190 мыңнан асқанын британ барлаау қызметі таяуда мәлімдеді. Армия қатарында іріткі бар, солдаттар соғысуға құлықты емес. Украина Қарулы күштерінің жақын күндерде жаппай қарсы шабуылға шығатыны жайлы хабар күшейген сайын Ресей армиясынан береке кете бастады, көпшілікті үрей билей түсті.
