USD
МИНСК. 10 наурыз. Беларусь президенті Александр Лукашенко кеше мемлекетті сатқандар үшін өлім жазасын белгілеу жайлы заңға қол қойды. Бұл туралы белорус бұқаралық ақпарат құралдарына сүйенген rast.kz хабарлады.
«Беларусьте мемлекетті сатқандар үшін өлім жазасы енгізілді. Заңға республика президенті Александр Лукашенко қол қойды», – деп атап көрсетті «Пул Первого» телеграм-каналы.
БелТА-ның хабарлауынша, мемлекет басшысы 9 наурызда «Қылмыстық жауапкершілік мәселелері бойынша кодекстерді өзгерту туралы» заңға қол қойған.
Құжаттың негізгі мақсаты экстремистік (террорлық) және антимемлекеттік бағыттағы қылмыстарға қарсы әрекеттерді күшейту болып саналады.
Заң мемлекеттік қызмет атқаратын барлық лауазымды тұлғалардың мемлекетке сатқындық жасағаны үшін қылмыстық жауапқа тартылуын қарастырады. Сонымен бірге, лауазымды тұлғалардың немесе әскери қызметкерлердің мемлекетке сатқындық жасағандары үшін айрықша айып шарасы – өлім жазасын қолданылу мүмкіндігін енгізді.
Бұлармен қатар, бастама сондай-ақ терроризмді насихаттағандар, әскери қызметкерлер мен әскери ұйымдарды кемсітушілер, мемлекеттік құпияларды қорғау жөніндегі талаптарды бұзушылар үшін қылмыстық жауапкершілік шеңберінде өлім жазасын белгілейді.
Беларусьтің әділет жүйесінде өлім жазасы КСРО кезінен бері сақталып келеді. Ол – Еуропада қазір айрықша жаза шарасын қолданып отырған жалғыз мемлекет. Жаза 1996 жылы өткен референдумда азаматтардың 80 пайыздан астамының қолдауымен сақталынып қалды.
«Егер біз қазір бұл мәселені көтерсек… Көпшіліктің басым бөлігі өлім жазасы [сақтап қалу] үшін дауыс береді деп ойлаймын», – деді Лукашенко 2021 жылы («БелТА» дәйектемесі). Ол бұған өлім жазасын тек референдум өткізгеннен кейін ғана алып тастауға болатынын қосты.
«Беларусь тәуелсіздік жариялағалы бері 400-ден аса өлім жазасын жүзеге асырды», – деп жазды «Би-би-си» радиосы 2020 жылы мамырда. Олардың бірқатары Кеңес Одағы кезінен «мұра» болып қалғандар екен.
Лукашенко өзі 2015 жылы айтқанындай, 26 жылдық билігі кезінде тек бір рет қана, 1990-шы жылдардың соңында өлім жазасына рақымшылық жасады.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
