Қазақстан ауыр атлеті допингке байланысты 8 жылға шеттетілді
АСТАНА. 22 ақпан. Қазақстандық белгілі ауыр атлет Игорь Сон допинг пайдаланғаны үшін 8 жылға барлық жарыстардан шығарылып тасталды. Бұл туралы Sports.kz хабарлады.
«Қазақстандық ауыр атлет және Токио-2020 (Жапония) Олимпиялық ойындарының қола жүлдегері Игорь Сон допинг үшін ұзақ мерзімге дисквалификация алды», – делінген Қазақстан ұлттық допингке қарсы орталығының сайтына сілтеме жасалған хабарламада.
Ауыр атлет Игорь Сон сегіз жылға, 2030 жылғы наурыздың соңына дейін диквалификация алды. Дисквалификация 2022 жылдың наурызынан басталады. Допингке қарсы орталықтың мәліметінше, спортшының ағзасынан метастерон табылған.
Қазақстандық атлет 2021 жылы өткен Токио Олимпиадасында 61 килоға дейінгі салмақта «қола» жеңіп алған болатын. Ал 2019 жылы керуен түзген әлем чемпионатында күміс жүлдегер атанған.
Айта кетейік, 24 жастағы Игорь Сон допинг пайдаланғаны үшін осымен екінші рет дисквалификациялық жазаға ұшырап отыр. Ол алғаш рет 2015 жылы жасөспірімдер арасындағы әлем чемпионатынан кейін бірнеше айға жарыстардан шеттетілген еді. Алайда, артынша препарат оның ағзасына биологиялық қосымша тағамдар арқылы енгенін дәлелдеп шығудың орайы келген болатын.
