Германия өзіндегі 200 «Leopard» танкісінің 19-ын Украинаға бере алады
БЕРЛИН. 22 қаңтар. Германия Қорғаныс министрлігі өз қолында бар 200-ден астам «Leopard 2» танкілерінің 19-ын Украинаға жөнелтуі мүмкін. Бұл туралы Der Spiegel хабарлады.
Неміс журналының жазуынша, Бундесвер әртүрлі модификациядағы 212 дана жарамды «Leopard 2» танкілерінің тек оқу-жаттығу жиыны үшін қолданылатын «Leopard 2A5» маркалы 19-ын Украинаға беріп қалуы ықтимал.
Өзінің мәнбесіне сүйенген Der Spiegel басылымы «Leopard 2» танкілері барлық модельдерінің тізбесін қолға түсірген екен. Ол 2022 жылдың жазында түзіліпті.
Осы тізім бойынша, қазір Бундесверде «Leopard 2» маркалы 312 танк бар. Олардың 99-ы өткен жылғы мамырда жөндеуден шыққан, ал біреуі қатардан шығарылып тасталған.
Бұдан басқа, тізімде «Leopard 2» моделінде 212 танк бар. Олардың арасындағы 2А5, 2А6, 2А7 және 2А7V модельдері ең замануи танкілер болып табылады. «Бундесвер Украинаға бұлардың ішінен «Leopard 2A5» модельдегі 19 танкіні береді деп болжаймыз», – деп жазады журнал бұдан әрі. Сонымен бірге, әскерилер бұл модельдің беріле қоятынына күмән келтіріп отыр. Себебі, бұлар жаттығу жиынына ғана жарайды.
Не дегенде де, бұл мәселе Германияның жаңа қорғаныс министрі Борис Писториус Украинаға ресми сапармен барған кезде нақты шешілетін шығар. Бундесвер басшысы мұны алдағы төрт аптаның бірінде жасайтынын мәлімдеді.
