Жаңалықтар жаңғырығыОқиға

Липецк облысында Украинадан қашып келген сарбазды атып тастады

МӘСКЕУ. 18 қаңтар. Липецк облысында арнайы жасақ жауынгерлері Украинадағы соғыстан қащып келген әскери қызметкерді оққа байлап жіберді. Бұл туралы The Insider хабарлады.

«Ресей арнайы жасағы Липецк облысында Украинадағы соғыс аймағынан қашып келген 31 жастағы әскери қызметкер Дмитрий Перовты атып өлтірді», – делінген хабарламада.

«Коммерсантъ» газеті жазғандай, әскери бөлімді өз бетінше тастап кетіп, дизертирлікке салынған Перов 13 қаңтар күні Ресейге қайтып оралған. 17 қаңтарда Воронежге барып, анасына жолыққан. Сосын Липецк облысындағы өз үйіне жол тартқан.

Mash телеграм-каналы соның алдында соғыстан қашқан Перов жайлы сипаттама (ориентировка) жариялаған, онда жауынгердің қарулы – автоматы, патрондары мен гранаталары бар екенін атап көрсетілген. Дизертирді іздеу Воронеж және Липецк облыстарында мұқият жүргізіледі.

Telegram-каналдың мәліметіне қарағанда, Перов Липецк облысы Усман ауданының Новоуглянка селосындағы өз үйіне келеді. Оны ұстау кезінде Липецкіден келген арнайы жасақ сарбаздары алдымен үйін қоршап алады. Бірақ аулаға мина төселуі мүмкін деп қорыққан полиция қызметкерлері ішке кіре алмай, тұрып қалады. Сосын саперлердің келуін күтеді. Артынан қашқын жауынгер атып өлтіріледі.

Тағы көрсету

Пікір қалдыру

Ұқсас мақалалар

Back to top button