USD
ДОХА. 3 желтоқсан. Өткен түнде Катарда өтіп жатқан футболдан әлем чемпионатының топтық турнирі аяқталып, бүгін плей-офф кезеңіне кезек келді. Бұл туралы rast.kz хабарлады.
Кеше түнде мундиалдың топтық іріктеу турнирінің соңғы матчтары ойналды. Олардың қорытындысы бойынша 1/8 финалдық плей-офф ойындарына қатысатын құрамалардың аттары толық белгілі болды.
Алдымен кешке, Астана уақытымен сағат 21:00-де H тобындағы Корея – Португалия, Гана – Уругвай командалары өзара ұшырасты. Бұларда корей футболшылары португалдарды 2:1, уругвайлықтар ганалықтарды 2:0 есептерімен жеңді. Осылайша топтан мұның алдындағы 2 ойынның нәтижелерімен 6 ұпай жинаған шығып қойған Португалия құрамасына қатарына Корея терме жамағаты қосылды. Корейлер турнирде Уругваймен бірдей 4 ұпай ала алды. Екі жасақтың өзара кездесулері де тең аяқталған (0:0). Екеуінің де доп айырымдары бірдей (4:4, 2:2). Сонда Сеулдің сарбаздарының бәсекелестерінен 2 голды артық соққандары жәрдемге келіп, 2-орынға солар жайғасты.
Түнгі сағат 01:00-де басталған G тобындағы Сербия – Швейцария, Камерун – Бразилия құрамалары арасындағы ойындарда да тең ойын тіркелген жоқ. Нәтижесінде Швейцария (3:2), Камерун (1:0) командаларының әрбірі 3 ұпайға ие болды. Мұнда да бұған дейін 6 ұпаймен топтан шығып алған Бразилия құрамасы португалдар секілді алаңға екінші құрамын шығарды. Сайып келгенде, оның сапына швейцариялық футболшылар қосылды.
Енді іріктеу турнирінің топтардағы қорытынды кестелерімен таныс болыңыздар:
А тобы. 20 қараша. Катар – Эквадор 0:2. 21 қараша. Сенегал – Нидерланд 0:2. 25 қараша. Катар – Сенегал 1:3, Нидерланд – Эквадор 1:1. 29 қараша. Нидерланд – Катар 2:0, Эквадор – Сенегал 1:2.
B тобы. 21 қараша. Англия – Иран 6:2. 22 қараша. АҚШ – Уэльс 1:1. 25 қараша. Уэльс – Иран 0:2. 26 қараша. Англия – АҚШ 0:0. 30 қараша. Уэльс – Англия 0:3, Иран – АҚШ 0:1.
C тобы. 22 қараша. Аргентина – Сауд Арабиясы 1:2, Мексика – Польша 0:0. 26 қараша. Польша – Сауд Арабиясы 2:0. 27 қараша. Аргентина – Мексика 2:0. 1 желтоқсан. Польша – Аргентина 0:2, Сауд Арабиясы – Мексика 1:2.
D тобы. 22 қараша. Дания – Тунис 0:0. 23 қараша. Франция – Австралия 4:1. 26 қараша. Тунис – Австралия 0:1, Франция – Дания 2:1. 30 қараша. Австралия – Дания 1:0, Тунис – Франция 1:0.
E тобы. 23 қараша. Германия – Жапония 1:2, Испания – Коста-Рика 7:0. 27 қараша. Жапония – Коста-Рика 0:1. 28 қараша. Испания – Германия 1:1. 2 желтоқсан. Жапония – Испания 1:0, Коста-Рика – Германия 2:4.
F тобы. 23 қараша. Марокко – Хорватия 0:0. 24 қараша. Бельгия – Канада 1:0. 27 қараша. Бельгия – Марокко 0:2, Хорватия – Канада 4:1. 1 желтоқсан. Канада – Марокко 1:2, Хорватия – Бельгия 0:0.
G тобы. 24 қараша. Швейцария – Камерун 1:0. 25 қараша. Бразилия – Сербия 2:0. 28 қараша. Камерун – Сербия 3:3, Бразилия – Швейцария 1:0. 3 желтоқсан. Сербия – Швейцария 2:3, Камерун – Бразилия 1:0.
H тобы. 24 қараша. Уругвай – Корея 0:0, Португалия – Гана 3:2. 28 қараша. Корея – Гана 2:3. 29 қараша. Португалия – Уругвай 2:0. 2 желтоқсан. Корея – Португалия 2:1, Гана – Уругвай 0:2.
1/8 финал. Плей-офф матчтары
(Астана уақытымен)
3 желтоқсан. 21:00. Нидерланд – АҚШ
4 желтоқсан. 01:00. Аргентина – Австралия
21:00. Франция – Польша
5 желтоқсан. 01:00. Англия – Сенегал
21:00. Жапония – Хорватия
6 желтоқсан. 01:00. Бразилия – Корея
21:00. Марокко – Испания
7 желтоқсан. 01:00. Португалия – Швейцария
Матчтардың бәрі Qazsport телеарнасынан тікелей эфирде көрстіледі
