USD
МӘСКЕУ. 23 қараша. РФ билігі өз әскерлерін өзгенің жалауын жамылып, Белгород облысына шабуыл жасауға дайындап жатыр. Бұл туралы «Украинская правда» хабарлады.
Соғысты зерттеу институтының (ISW) талдаушылары Ресейдің Белгород облысына бөтен елдің жалауымен шабуыл жасау үшін ақпараттық жағынан қамтамасыз етуді бастап кетті деген болжам жасап отыр.
Институттың тұжырымы бойынша, Ресей билігі мұны көпшіліктің Украинадағы соғысқа қайтадан жаппай қолдау көрсетуіне қол жеткізу мақсатында ұйымдастырмақшы. Қазір оны ақпараттық жағынан қамтамасыз етудің шаралары жасалуда.
ISW Кремль насихатшыларының осыған орай украин әскерлері Белгород облысына басып кіруге әзірлік жүргізіп жатыр деген сыңайда ақпар таратуға кірісіп кетті. Ал Ресейдің басқа ақпарат мәнбелері «Украина тарапынан болуы ықтимал қауіп-қатерді азайту үшін» оккупанттардың Харьков облысындағы Купянск қаласын қайтадан өзінің бақылауына алуды жөн көретінін жазып таратты.
Белгород облысының губернаторы Вячеслав Гладков қазір Украинамен шекарадағы «Засечная» бекеті маңына қорғаныс шептерін қойғыздырып жатыр. Оны «Вагнер» қарақшылары тұрғызуда.
