USD
КИЕВ. 11 қараша. Украина президенті Володимир Зеленский елдің оңтүстігінде 41 еді мекеннің азат етілгені жайлы жақсы жаңалық бар екенін айтты. Бұл туралы «Украинская правда» хабарлады.
Президент мұны кеше кешке жасаған халыққа үндеуінде мәлімдеді.
«Бүгін оңтүстіктен жақсы хабар бар. Жүргізіліп жатқан қорғаныс операциясының шеңберінде өзінің заңды орындарына қайта оралып жатқан украин тулары әлденеше ондаған. 41 елді мекен жаудан босатылды. Мен осы ілгері жылжуды қамтамасыз еткен қаһармандарымыздың бәріне алғыс айтамын. Қарулы күштер, барлау, арнайы қызмет – бәріне. Әсіресе, 28-ші жеке механикаландырылған бригада, 46-шы десант-штурм бригадасы, 60-шы жеке жаяу әскер бригадасы мен 128-ші жеке таулы-штурм бригадасы жауынгерлерін айрықша атап өтемін. Бұлар – шабуылдың өтінде жүргендер. Алғыс айтамын сіздерге, жігіттер!», – деді Зеленский сөзінде.
Президент азат етілген аудандарға әскерилердің соңынан бірден ұлттық полиция күштерінің барып жатқанын жеткізді. «Бүгін полиция Калиновское, Бобровый Кут, Евгеньевка, Коцюбинское және Снегиревка елді мекендеріне кірді. Оларда тұрақтандыру шаралары басталып кетті», – деді ол бұдан әрі.
Рашист-фашист әскерлері кезекті елді мекенді тастарда оны барынша қиратып кетіп жатыр. Олар электр станцияларын жарып, электр желілерін үзіп, ғимараттар мен алаңдарды қиратып, ормандар мен тоғайларға от қойып кетіп барады. Мародерлік әрекеттерге Ресей президентінің жарлығы деңгейінде қатаң тыйым салынса да, РФ армиясында оны орындап жатқан ешкім жоқ, бәрі бұрынғысынша жасалып жатыр.
Оккупанттар Херсоннан кетерлерінде ондағы жылу қазандықтарын, байланыс мұнарасы мен телеорталықты жарып жіберген. Қазір соның салдарынан қалада байланыс та, электр жарығы да жоқ. Сол сияқты Днепр өзені үстіндегі Антон көпірін де қиратқан.
Президент осы кезге дейін оккупанттардың соғыс шығындары украиндар тартқан шығыннан он есе көп болып тұрғанын айтты. Бірақ олар күнәсіз 400 украин баласының өліміне тікелей себепкер болды, 5 млн украинды өз елдеріне эвакуациялап алып кетті, бұлардың арасында кішкентай бүлдіршіндер аз емес.
