Қостанайда қару-жарақ дүкеніндегі өртте бір ер кісі қаза тапты
ҚОСТАНАЙ. 3 қыркүйек. Қостанай қаласынданы «Оружейная палата» дүкенінде тұтанған өртте бір ер кісінің мәйіті табылды. Бұл туралы «Наша газета» хабарлады.
Қаза тапқан кісінің аты-жөні әлі анықталмады, деп атап өтті Қостанай облыстық төтенше жағдайлар департаментінің баспасөз қызметі. Оның денесі дүкен астындағы жертөледен табылған.
Денсаулық сақтау басқармасы баспасөз қызметінің мәліметінше, осы оқиғаға байланысты алты адам стационарлық тәртіппен ауруханаға жатқызылған. Олардың бәрін әртүрлі деңгейде күйік шалған. Бір адам ауруханаға жатудан бас тартқан.
«Оружейная палата» ғимаратында өрт бүгін, 3 қыркүйек күні сағат 11:20-да басталған. Кейінірек өрт қатар тұрған СТО ғимаратына жеткен. Бұдан әрі 8 жер үй мен 2 жеңіл машина өрттің астында қалған.
Өртті ауыздықтауда 14:29 сағатта қол жетті. Бірақ толық жойылған жоқ. Өрттің шығу себебі анықталуда.
Осы күні облыстың Әулиекөл ауданының Аманқарағай кентінде тұрғын үйлер мен мұнай базасы да өртке ұшырады. Мұнда мұнай базасының әкімшілік ғимараты мен қатар тұрған 30 үй отқа оранған.
