USD
АСТАНА. 27 маусым. Қазақстандықтар Нұрсұлтан Назарбаев атындағы халықаралық әуежайдың атауын өзгертуді ұсынды. Бұл туралы Ulysmedia.kz хабарлады.
Портал оны журналист Махамбет Әбжанға сілтеме жасап таратты.
Қазір әуежай ауданына жақын маңда орналасқан «Майбалық» ауылының тұрғындары оған екі мәрте Кеңес Одағының Батыры Талғат Бигелдиновтың есімін беруді сұрап отыр. Олар осылайша аэропорттан бірінші президенттің атын алып тастауды мәдениетті түрде талап етуде.
Биылғы 9 мамырда қазақтың тұңғыш ғарышкері Тоқтар Әубәкіров дәл осындай бастама көтерген болатын.
Еске сала кетейік, ел байтағының әуежайы 1930-1961 жылдары «Ақмола», 1961-1992 жылдары «Целиноград», 1992-1998 жылдары «Ақмола», 1998-2017 жылдары «Астана» деп аталды. Тек 2017 жылғы 21 маусымнан бері ғана әуежай сол кездегі президенттің қалауымен (астыртын) оның өзінің атына ие болып шыға келді.
