USD
КИШИНЁВ. 19 маусым. Молдова президенті Майя Санду елде Ресей телеарналарының хабарлары көрсетілуіне түпкілікті тыйым салды. Бұл туралы «Украинская правда» хабарлады.
Молдова президенті бүгін осыған орай Ресей жаңалықтарын, ақпараттық-талдау бағдарламалары мен соғыс тақырыбындағы фильмдерін трансляция жасауға тыйым салуға бағытталған жалған ақпараттар мен насихатқа қарсы күрес туралы заңға қол қойды.
«Европейская правда» агентігі NewsMaker сайтына сілтеме жасап хабарлағандай, тыйым келесі аптадан, шамамен 24 маусымнан бастап күшіне енеді.
Қазіргі таңда елде төтенше жағдайлар комиссиясының шешімімен трансшекаралық телевидение туралы конвенцияға рұқсат етілмеген елдердің саяси және соғыс сипатындағы жаңалықтарын трансляция жасауға тыйым салынған. Іс жүзінде бұл тыйымның РФ-дан таратылатын хабарларға ғана қатысы бар. Оны осы бастаманың авторлары да жасырып отырған жоқ. Ал заң күшіне енгеннен кейін бұл хабарларды трансляция жасауға толық және түпкілікті тыйым салынады.
Жаңа заңға сәйкес енді телеарналардың лицензаияларын 7 күндік мерзімге дейін алып қою қарастырылған.
Айтқандай, милитаристік мазмұндары жоқ ойын-сауық бағдарламаларына мұндай тыйым салынбайды. Сондай-ақ әскери агрессияны ақтайтын, соғыс қылмыстарын жоққа шығараты және адамзатқа қарсы қылмыс жасауға және жеккөрушілік сезімін оятуға шақыратын хабарлар мен фильмдердің көрсетілуіне де тыйым бар.
Мұндай заң жобасының қабылдануы үшін депутаттар 2 маусымда дауыс берді. Оны билік басындағы «Әрекет және ынтымақ» партиясының 54 депутаты бір ауыздан қолдады.
