Польшада көпшілік Ресей елшісінің үстіне қызыл бояу шашқан
ВАРШАВА. 9 мамыр. Польша байтағында белгісіз біреулер Ресейдің осы елдегі елшісі Сергей Андреевтің үсті-басына қызыл бояу шашып жіберген. Бұл туралы ТАСС хабарлады.
Агенттік баян еткендей, РФ-ның Польшадағы елшісі Сергей Андреев Варшавадағы Жвирки мен Вигурда көшесі бойындағы совет солдаттарының соғыс мемориалы қабіріне гүл шоғын қоймақшы болып жатқан кезде бөгде біреулердің шабуылына ұшыраған.
«Жұбайы мен дипломаттар тобының қамсауында жүрген РФ елшісінің үстіне әлдекімдер қызыл бояу төгіп салып, мемориалға қарай өтуіне жол бермеген. Оқиға орнына бірнеше минуттан кейін келген полиция дипломаттарды қоршап алып, машинаға дейін жетулеріне көмектескен», – делінген хабарламада.
Соңыра елші өзі мен әріптестарінің аталған инцидент барысында оншалықты қатты зардап шекпегендерін жеткізді.
«Тексеріп көру керек. Бәлки, аздаған сызат болып қалар. Бірақ менде де, командамда да айтарлықтай ештеңе жоқ», – деді ол.
РФ Сыртқы саясат ведомствосындағылар «неонацистік бұзақылардың істеріне жол беріліп қойылғаны үшін» поляк билігіне наразылық білдірді.
