Украина Қарулы күштері оңтүстікте бірнеше селоны азат етті

КИЕВ. 5 мамыр. Украина армиясы елдің түстігіндегі Николаев және Херсон облыстарында бірнеше елді мекенді оккупанттардан тазартты. Бұл туралы «Укринформ» хабарлады.

«Ресей Федерациясының әскерлері Николаев және Херсон облыстары шекарасындағы бірнеше елді мекенге бақылау жасау мүмкіндігінен айрылып қалды», – деп жазды агенттік Украина Қарулы күштері Бас штабының дерегіне сүйеніп.

Жедел ақпаратта сай, украин қорғаушыларының табысты іс-қимылдарының арқасында 5 мамыр күні сағат 6:00 кезінде Николаев және Херсон облыстарының шекарасындағы бірнеше елді мекен басқыншылардың қол астынан босатылған.

Жау қазір Молдованың Приднестровье аймағында арандатушылықты күшейтіп келеді. Орыстар мұнда бірнеше бағытқа бөлініп алып, өз бөлімшелерінің тактикалық жағдайларын жақсартып алуға кірісіп кетті.

Донецк мен Таврия бағыттарында жау артиллериялары екі жақтың түйісу шептерін атқылауды жалғастыруда.

Мариупольде «Азов» полкы күші басым дұшпанмен жанқиярлық шайқас жүргізіп жатыр.