Нұрсұлтан Назарбаев бүгін кештетіп Астанаға ұшып келді
АСТАНА. 14 наурыз. Нұрсұлтан Назарбаев дүйсенбі күні кешке Астана аэропортына ұшып келді. Бұл туралы ҚазТАГ хабарлады.
Агенттіктің бұл жағдайға қанық өз мәнбесі осының жайын жеткізген.
«Назарбаев дүйсенбі күні Астанаға ұшып келеді. Елорданың VIP-терминалы оған көрсету үшін сағат 19.50-ден 20.30-ға дейін жабылады. Назарбаев қызметінен кеткеннен кейін өзіне бекітіліп берілген Airbus A330-243 Prestige лайнері аэропортқа келіп қонады», – деп баяндады редакцияға мәнбе иесі.
Еске сала кетейік, бұдан бірнеше күн алдын Назарбаевтың Украинадағы соғыс тақырыбында өтетін дипломатиялық форумға қатысу үшін Түркияға ұшып барғаны мәлім болған. Кейін анықталғандай, оның фамилиясы жиынға қатысушылардың тізімінде жоқ болып шықты. Дегенмен, кейін оны Түркия президенті Ережеп Тайып Ердоғанның жеке өзінің атынан шақырғаны айтылды.
Тағы бір айта кететін жайт, кеше Антикор қызметкерлері Нұрсұлтан Назарбаевтың бір баласы есепті, туған інісі Сатыбалдының үлкен ұлы Қайрат Сатыбалды Алматыда Түркияға жеке ұшақпен ұшып кеткелі тұрған кезінде ұстаған болатын. Сол кезде оның өзімен бірге өте көп мөлшерде ақша алып кетіп бара жатқаны жайлы да қауесет тарап кетті.
Бұрынғы президент енді сол оқиғаның «тігісін жатқызу» үшін келді ме екен, деген де сұрақ туып жатыр.
