USD
АСТАНА. 2 ақпан. Бас прокуратура талдықорғандық Азамат Батырбаевтың полицияда қыздырылған үтікпен азапталуы жағдайына байланысты қолға алынған шара жайлы түсіндірме берді. Бұл туралы «Орда.kz» хабарлады.
5 қаңтарда Талдықорғанда 37 жастағы ер адам наразылық акциясына қатысқан. Өзге шерушілермен бірге ол Нұрсұлтан Назарбаевтың ескерткішін құлатуға қатысқан.
Бұл жағдайға Бас прокуратура түсіндірме берді.
«2022 жылдың 22 қаңтарында Талдықорғандағы тәртіпсіздіктер кезінде құқық қорғау органдары қызметкерлеріне шабуыл жасағаны үшін ұсталды. 23 қаңтарда жауап алу кезінде ол ішкі істер органдарының қызметкерлері 10 қаңтарда денесіне жарақат келтіргенін көрсеткен. А. Батырбаевтың осы арызы негізінде Алматы облысының сыбайлас жемқорлыққа қарсы қызметі азаптау фактісі бойынша қылмыстық іс қозғады. Қазір тергеу амалдары жүргізілуде» деп хабарлады Бас прокуратураның баспасөз қызметі.
