Әлия Назарбаева пойыздардағы әр билеттен үлес алып тұрған
АСТАНА. 31 қаңтар. Нұрсұлтан Назарбаевтың кенже қызы Әлия республикадағы пойыздарға сатылған әр билеттен өзіне үлес алып келіпті. Бұл туралы «Адырна» хабарлады.
Порталдың хабарлауынша, Әлия Назарбаева «Қазақтелеком» арқылы сатылған әрбір электронды теміржол билеті мен осы қызмет үшін ақша алып тұрады екен.
Анықталғанындай, Әлия Назарбаева «Қазақстан темір жолы» ҰК» АҚ мен «Қазтелеком» АҚ-қа делдалдық қызмет көрсететін «Инстант Пейментс» ЖШС деп аталатын компания құрыпты. Кәсіпорын пойыздарға онлайн-билеттер сатумен және ұлттық байланыс операторынан төлемдер қабылдау жүйелеріне қызмет етумен айналысады.
Instant Payments ҚТЖ, «Қазақтелеком» және пойыз билеттерін жинақтаушы компаниялардан алатын өзінің тұрақты комиссиясын белгіледі. Қазір ол 44,8 теңгені құрап отыр. Бірақ ақпан айынан бастап Әлия Назарбаеваның ЖШС оны 67 теңгеге дейін көтеруге шешім қабылдап қойыптын.
Айта кетейік, Instant Payments компаниясы 2011 жылы құрылған. Оның 2022 жылғы қаңтардағы құрылтайшылары – Әлия Назарбаева мен Диас Мадигожин.
