Қазақстан құрамасының бас жаттықтырушысы орнынан алынды
АЛМАТЫ. 19 қазан. Ауыр атлетикадан Қазақстан ұлттық құрама командасының бас жаттықтырушысы Бақыт Ахметов орнынан алынды. Бұл туралы Prosport.kz хабарлады.
«Аталмыш шешім Алматы қаласында Мәдениет және спорт министрі Ақтоты Райымбекова мен Қазақстан Ауыр атлетика федерациясының ұлттық құрама штабы жаттықтырушыларына қатысты атлеттер мен жаттықтырушылар тарапынан түскен арыз-шағымдарды қараулары қорытындысы бойынша қабылданды. Федерация енді Ұлттық олимпиялық комитетпен бірге ұлттық құрама штабына үміткерлерді іріктеп алуды қарастырады. Ол алда өтетін ауыр атлетикадан Қазақстан чемпионаты кезінде жүзеге асырылады», – делінген ресми хабарламада.
Бұдан бұрын спортшылардың өздеріне қол жұмсайды деп шағынуларынан кейін құраманың аға жаттықтырушысы Сергей Седовтың әрекеттеріне қызметтік тексеру жүргізіліп, ол қызметінен қуылған болатын.
