17 жасар Бибісара Асаубаева шахматтан Азия чемпионы атанды
АСТАНА. 26 тамыз. Кеше қазақстандық 17 жасар шахматшы Бибісара Асаубаева Азияның әйелдер арасындағы чемпионы атанды. Бұл туралы zakon.kz хабарлады.
«Бүгін маған Азияның әйелдер арасындағы чемпионы атағын жеңіп алудың орайы келді! Бұл – менің ересек әйелдер арасындағы алғашқы ірі жеңісім! Маған қолдау көрсеткендердің баршасына рахмет! Мен бәріңізді де сүйемін. Сара», – деп жазды шахматшының өзі әлеуметтік желіде.
Турнир 2021 жылғы 23-25 тамыз күндері Tornelo ойын платформасында өтті. Чемпионатқа Азияның 15 елінен 74 ойыншы қатысты. Олардың арасында шахматтан әйелдер арасындағы 9 халықаралық гроссмейстер, 8 халықаралық спорт шебері және 22 спорт шебері болды.
«Осылайша, Бибісара биылғы 25 қазаннан 8 қарашаға дейін Латвияның астанасы – Рига қаласында өтетін «FIDE Women`s Grand Swiss 2021» турниріне қатысу құқығын иеленді. Аталмыш турнир 2021-2013 жылдарғы әлем чемпионатының іріктеу циклына кіреді. Турнир швейцар жүйесі бойынша 11 турдан тұрады, оған әлемнің 50 аса көрнекті шахматшысы қатысады», – деп хабарлады Қазақстан Шахмат федерациясының баспасөз қызметі.
