Пашинян Париждің Арменияға әскери көмек көрсететінін айтты
ЕРЕВАН. 15 мамыр. Армения премьер-министрі Никол Пашинян Францияның Арменияға әскери көмек көрсетуге дайын екенін мәлімдеді. Бұл турады РИА «Новости» хабарлады.
Хайастан елінің басшысы мұны егер армянның Әзербайжанмен шектесетін Сюник облысында әлдеқандай проблема туа қалса, Франция БҰҰ-ның мандаты шеңберінде жағдайды қалпына келтіру үшін әскери көмек көрсетінін айтты.
Осының алдында, сәрсенбі күні Армения қорғаныс министрлігі әзербайжан қарулы күштерінің Сюник облысының шекаралас аудандарының бірінде «шекараны нақтылау» жөнінде жұмыстар жүргізгенін баяндаған еді. Бірақ оқиғаның нақты қай ауданда болғанын ашып айтқан жоқ.
«Кеше мен Франция президентімен телефон арқылы сөйлестім. Оның позициясы нақты болды… Ол сондай-ақ қажет бола қалған жағдайда Францияның БҰҰ мандаты шеңберінде жағдайды қалпына келтіру үшін әскери көмек көрсетуге дайын екенін мәлімдей келіп, мәселені БҰҰ-ның Қауіпсіздік кеңесіне ұсыну мүмкіндігін қарастыратынын да айтты», – деді Пашинян.
