Үндістанда ковид кеселінен бір күнде 3 780 адам опат болды

НЬЮ-ДЕЛИ. 5 мамыр. Үндістанда өткен тәулікте коронавирус індетінен қайтыс болған адамдар саны 3 780-ге жетіп, кезекті антирекорд тіркелді. Бұл туралы Times of India хабарлады.

Бұған дейін күллі әлемде дәл мұндай көрсеткіш орын алған емес.

Елде ковидтен өлгендердің жалпы саны 226 188 адам болды. Бұған қоса, Индияда үш күндік бәсеңсуден кейін коронавирустың жаңа түрі қауырт тарай бастады. Өткен тәулікте ковидты жұқтырудың 382,3 мың дерегі тіркелді. Бұл – осының алдындағы күннің деңгейінен 25 мыңға көп.