USD
МӘСКЕУ. 2 шілде. Ресей Үндістаннан сатып алу арқылы бензин тапшылығы мәселесін шешуге кірісті. Бұл туралы Reuters ақпарына сүйенген rast.kz хабарлайды.
«Ресей Үндістаннан бензин тасымалдауды бастады», деп баяндады агенттік. Ол мұның Украинаның дрондарының Ресей энергетикалық инфрақұрылымына жасаған шабуылдарынан туындаған тапшылық екенін атап өтті.
Қазір Ресейдің 11 уақыт белдеуінде түгел жанармай қардарлығы айқын сезілуде. Жанармай құю бекеттерінде ұзын-сонар кезектер пайда болды, ал бензин бағасы рекордтық көрсеткіштерге дейін өсті.
Өнеркәсіптің дереккөзі Үндістаннан Ресейге кем дегенде 60 000 метрикалық тонна бензин жөнелтілгенін хабарлады. Тағы бір дереккөздің хабарлауынша, әрқайсысы 30 000-нан 40 000 тоннаға дейінгі екі танкер жіберілген.
Үшінші дереккөздің хабарлауынша, Ресей ай сайын әртүрлі елдерден, соның ішінде Ресейге отын экспорттап жатқан көрші Беларусьтен 400 000 тонна бензин импорттауды жоспарлап отыр.
Бұған қоса, Қазақстанның Ресейге 50 мың тонна бензинді «гуманитарлық көмек ретінде» жіберуге уәде бергені айтылып жатыр.
Жазда Ресейде жанармайға сұраныс жоғары болған кезде бензинді тұтыну тәулігіне кемінде 110 000 тоннаны құрайды.
