USD
КИЕВ. 7 шілде. Украина президенті кеңсесінің басшысы Кирил Буданов ел Қарулы күштерінің ұзаққа созылатын соғысқа қазірден дайын екенін мәлімдеді. Бұл туралы The Moscow Times ақпарына сілтеме жасаған rast.kz хабарлайды.
«Егер бейбіт келіссөздер нәтижеге әкелмесе, Украина Ресеймен жылдар бойы соғысуды жалғастыруға дайын». Украина президенті кеңсесінің басшысы Кирил Буданов «РБК-Украина» газетіне берген сұхбатында осылай деді. «Украина мен Ресей соғысты қанша уақыт жалғастыра алады?» деген сұраққа Буданов көп нәрсе тараптардың жағдайлары мен ресурстарына байланысты екенін айтып, жауап берді. «Сеніңіздер, біз қарсы тұра аламыз. Жылдар бойы», – деді ол.
Будановтың айтуынша, Украина үшін Ресей агрессиясына қарсы тұруға көмектесетін халықаралық серіктестердің қолдауын сақтау басты фактор болып қала береді.
«Егер Украина жалғыз болса және Ресей жалғыз болса, олар бірге бір болып шықса, онда жағдай басқаша болар еді. Бізге қазір ең бастысы –достарымызды, серіктестерімізді және одақтастарымызды жоғалтпау», – деді ол.
Бұған дейін Буданов соғыстың белсенді кезеңі жыл соңына дейін аяқталып қалуы мүмкін екенін айтқан болатын.
