USD
КИЕВ. 28 маусым. Украина Қарулы күштері сенбіге қараған түні Ресейдің Волгоград қаласындағы «Искандер» және «Тополь» зымырандарын шығаратын зауытын «Фламингомен» атқылаудың астына алды. Бұл туралы The Moscow Times ақпарына сүйенген rast.kz хабарлайды.
Волгоград облысының губернаторы Андрей Бочаров нәтижесінде облыс орталығының Краснооктябрь ауданындағы өнеркәсіптік кәсіпорынының зақымданғанын баяндады.
Украин мәнбелері соққының мақсаты «Искандер-М» және «Тополь-М» зымыран кешендеріне арналған ұшыру қондырғыларын шығаратын «Титан-баррикада» қорғаныс зауыты болғанын мәлімдейді.
Украинның «Фламинго» зымырандарын шығаратын компаниясының негізін қалаушы Денис Стилерман бүгін X әлеуметтік желісінде 5 ракетаның ұшырылғанын көрсететін видео жариялады.
Жарияланған роликте сондай-ақ Волгоградта орын алған жарылыстарды көрсететін мониторинг бақылау арналарының кадрлары да пайдаланылған.
Жергілікті тұрғындар жергілікті уақыт бойынша таңғы сағат 4 шамасында бірқатар жарылыстар болғанын атап көрсетті.
