USD
КАРАКАС. 15 мамыр. Венесуэланың АҚШ тұтқынға алған президенті Николас Мадуроның ұлы әкесінің 18 адамға арналған жалпы камерада отырғанын айтты. Бұл туралы The Moscow Times ақпарына сүйенген rast.kz хабарлайды.
2026 жылдың қаңтар айының басында АҚШ-қа әкелінген Николас Мадуро Нью-Йорктегі Metropolitan Detention Center тергеу оқшаулағышының 18 адамдық жалпы абақтысына жіберілген. Мұның жай-жапсарын оның ұлы Николас Мадуро Герра Der Spiegel-ге берген сұхбатында баяндап берді.
Жас жігіттің айтуынша, әкесі алғашында жалғыз отырған, бірақ Пасха алдында оны жалпы бөлмеге ауыстырған.
Мадуро түрмеде қарым-қатынастың жетіспеушілігін сезінбейді, ондағы тұтқындардың жартысы испан тілінде сөйлейді. Сондай-ақ оның үйге күнделікті қоңырау шалу мүмкіндігі бар. Мадуро Герра: «Ол мұнда келгелі бері әр кеш сайын жетіге жуық қоңырау шалады» деп атапр өтті.
Бос уақыт жайынаа келетін болсақ, ұлы әкесінің теледидар көретінін, ағылшын тілін үйреніп жүргенін, «Киелі кітапты» көп оқитынын, сондай-ақ Amazon арқылы жіберілген кітаптарды оқитынын айтты. Олардың арасында Венесуэла Конституциясы, Симон Боливарды жазбаларын, метафизика оқулығы, Шекспир мен Эсхил туындылары бар. Мадуро сонымен қатар өнер факультетінде оқитын 20 жастағы студент немересін таңдаған әдебиетке де ынта танытып жүр.
Отбасының басты алаңдаушылығы оның тамақтану жайы екен. «Әкем әрқашан өте дұрыс тамақтанып келді, ол көкөністер көп пайдаланды, қантты аз қолданды. Қазір негізінен көміртегілерді, терең өңделген тағамдарды, тұзды тым көп тұтынады», деді Мадуро Герра. Сонымен қатар, ұстау кезінде америкалық сарбаздар Мадуроның тізесін жарақаттаған екен, «бірақ қазір оның ауруы басылған, ауырсыну онша күшті емес», деді жас жігіт.
2026 жылдың қаңтар айының басында АҚШ Венесуэлада әскери операция жасады. Екі сағат 20 минуттың ішінде Мадуро мен оның әйелі Силия Флорес Delta Force арнайы күштері президент сарайын басып алып, оларды Америкаға алып кетті. Оларға «есірткі терроризмі», заңсыз қару ұстау және есірткі контрабандасы бойынша айып тағылды.
