USD
УАШИНГТОН. 28 ақпан. АҚШ президенті Дональд Трамп соңғы кездері Украина лидері Володимир Зеленьскиймен арасы неге нашарлап кеткенін айтты. Бұл туралы Dialog.ua ақпарына сүйенген rast.kz хабарлайды.
Украина делегациясымен кездесу қарсаңында Трамп кейінгі кездері Зеленьскиймен шиеленіскен қарым-қатынаста болғанын мойындады.
Кеше, 27 ақпанда Ақ үйде өткен баспасөз мәслихатында АҚШ басшысы Украина президентімен енді ешқандай түсініспеушілік жоқ екенін мәлімдеді. Трамп бүгін, 28 ақпанда украиналық әріптесімен «жақсы» сөйлесетініне сенімді көрінеді.
Зеленьскиймен бүгінгі кездесудің басты тақырыбы – минералды ресурстарға қатысты келісімге қол қою. Украина президенті мінген ұшақ таңертең ерте АҚШ-қа қонғаны белгілі болды.
Ақ үй қожайынының айтуынша, ол Зеленьскиймен бірге жұмысты жалғастыруға дайын, өйткені, олардың арасында «жақсы қарым-қатынас» бар. Трамп сонымен бірге Уашингтон Еуроодақ елдерімен де араның шиеленіскенін жоққа шығармады. Оның ойынша, ЕО Украинаға берген ақшасын қайтарып алады, бірақ Уашингтонға ештеңе әзір қайтып жатқан жоқ. Бұл ренжітпей қоймайды.
Алайда Стармер іс жүзінде бірден мұның бұлай емес екенін мәлімдеп, Еуропа одағы Украинаға бөлген барлық қаражатты қайтарып алмайтынын баяндады.
Ал Трамп Путин бейбіт келісімге қол қойса, оны бұзбайды деп есептейді екен.
Осы орайда арнайы өкіл Уиткофф Америка Құрама Штаттары Ресей Федерациясымен сирек қазба байлықтары туралы келісімге қол қоюға мүдделі екенін мәлімдеді.
