USD
Президент Қасым-Жомарт Тоқаев қаза тапқан «Охотсоюздың» инспекторы Қаныш Нұртазиновтың отбасына қолдау көрсетуге уәде берді. Бұл туралы Tengrinews.kz хабарлады.
«Егерьлер Қаныш Нұртазинов пен Самат Оспанов біздің мемлекетіміздің байлығын қорғау кезінде ерлік көрсетті. Оларға бұл үшін – құрмет пен мадақ. Браконьерлер қолынан қаза тапқан. Қ.Нұрғазиновтың отбасына, балаларына көмек көрсетіліп, есімі есте қалдырылады. Иманды болсын!» – деп жазды Тоқаев Twitter-де.
Президент экологиялық инспекторлардың құқықтарын қорғайтын заңнаманы күшейтіп, браконьерлерге салынатын айыппұлдың көлемін арттыруды қарастыруды тапсырды.
Ал бұдан алдын «Охотзоопромның» басшысы инспекторларға браконьерлерді атуға рұқсат беруді сұраған болатын.
Қозғалып отырған мәселе мынадан туындады. 23 шілде күні «Озотзоопром» инспекторлары Ақмола облысының Жарқайың ауданы жерінде ақбөкендердің атылып жатқанын дерегін анықтады. Сосын екі инспектор олардың соңына түсті. Сол кезде браконьерлер мінген «Нива» көлігінен оқ жауды. Соның нәтижесінде инспекторлар жарақат алып қалды. Солардың бірі оқиға болған жерде, «жедел жәрдем» келгенше жантәсілім етсе, екіншісі аудан орталығы – Державиндегі аурухана жатқызылды. Олардың екеуінің де кеуделеріне оқ тиген болып шықты.
Қаза тапқан Қаныш Нұрғазинов Қарағанды облысының Қоскөл ауылында жер қойнына берілді. Ол 43 жаста еді. «Охотзоопромға» 2016 жылғы 5 қаңтарда жұмысқа кірген. Марқұмның соңында жары және бес баласы – төрт қызы және 2011 жылы туған ұлы жетім қалды.
