USD
БАКЫ. 28 наурыз. Қазақстандық боксшы Талғат Сырымбетов Бакы қаласында өтіп жатқан «Ұлы Жібек жолы» халықаралық турнирде құрамаға алғашқы алтын медальді әперді. Бұл туралы rast.kz хабарлайды.
Турнирде 60 келіге дейінгі салмақта сынға түскен Талғат Сырымбетов финалда әзербайжан Эзрак Бабировты ұпай санымен ұтты.
Мұның алдында шаршы алаңға шыққан Теміртас Жүсіпов (48 кг) – әзербайжан Гасан Меликовтен, Тимур Қабдешов (54 кг) өзбек Хужаназар Нортоджиевтен ұтылып, турнирдің күміс медалін қанағат тұтуға мәжбүр болды.
Алда қазақстандықтар сапынан Дархан Дүйсебай (71 кг) мен Сағындық Тоғамбай (92 кг) рингке шығады. Олардың біріншісі өзбек Бекзод Хамидовпен күш сынасса, екіншісі әзери елінің намысын қорғап жүрген кубалық Альфонсо Домингеспен қолғап түйістіреді.
