USD
Түркістан облысының әкімі Өмірзақ Шөкеев елімізде ауыл шаруашылығы техникаларын шығаратын өндіріс орны жоқ екенін айтты. Бұл туралы Informburo.kz хабарлады.
«Тракторларды бөлшектерімен әкеліп, Қазақстанда құрастырады және осы үшін өздеріне жеңілдік берілуін сұрайды», – деді ол.
Түркістан облысында дәнді дақылдарды жинау науқаны аяқталып келеді. Облыс әкімі Өмірзақ Шөкеев кезекті жұмыс сапарында Бәйдібек ауданында болып, ондағы ауыл шаруашылығы жұмыстарымен танысты.
Өмірзақ Шөкеев ауданда жүргенінде фермерлерді қолдау көрсету мәселесін қозғады. Ол ауыл шаруашылығы қызметкерлеріне мемлекет тарапынан жан-жақты қолдау көрсетілуі керек екенін айтты.
«Мен әрдайым бізде ауылшаруашылық техникаларының жоқ екенін сөз етіп жүрмін. Бізде сырттан трактордың немесе комбайнның босалқы бөлшектерін бөлектеп әкеледі де, осында құрастырып шығарады, бұл үшін және мемлекеттен жеңілдіктік сұрайды. Бұлар – фермердің есебінен күн көргілері келетін алаяқтар. Қазір фермерлердің бәрі сапалы техниканы сапасыздан ажырата алады, оларды алдай алмайсың. Бізге фермердің ешқандай проблемаға тап болмайғ, алаңсыз жұмыс істегені маңызды. Тек сонда ғана ауыл шаруашылығы дамиды», – деді Шөкеев.
