USD
МӘСКЕУ. 18 наурыз. Ресей Қауіпсіздік кеңесінің хатшысы Сергей Шойгу Ресей армиясының Украина ашқаг соғысының нәтижесіз аяқталғаны тұрғанын мәлімдеді. Бұл туралы Dialog.ua ақпарына сүйенген rast.kz хабарлайды.
Шойгу енді Орал таулары аймағының украин дрондары үшін қолжетімсіз болудан қалғанын, себебі, Путиннің Украинаны демилитаризациялау деп аталған соғысының күйреуге ұшырағанын жеткізді.
Ресей Қауіпсіздік кеңесінің хатшысы және бұрынғы қорғаныс министрі Сергей Шойгу биыл жыл басталғалы бері Украина әскери мүмкіндіктерінің күрт артқанын мойындады. Ол ТАСС агенттігіне берген сұхбатында бұрын қолжетімсіз деп саналып келген Орал аумағының өзі қазір «тікелей қауіп құшағында» тұрғанын, оған украин зымырандары мен дрондарының емін-еркін шабуылдай беретін күнге жеткенін мәлімдеді.
Ресей билігі уәде етілген «демилитаризациялаудың» орнына керісінше нәрсеге тап болды, СВО деп аталатын төрт жылдық қанды қырғында Украина тарапы басым бола бастады, енді украин күштік құрылымдары Ресей тылына тереңдетіе бара алады.
Ресей билігі өз елі территориясында енді қауіпсіз аймақтардың қалмағанын, украиндардың кез келген өңірге соққы бере алатындарын мойындады.
Бұған дейін Украина Ресейдің тылындағы алыс нысанаға жету үшін Flamingo қанатты зымырандарын пайдаланған, ол шамамен 1400 км қашықтықты ала алады.
Шойгудың айтуынша, Украина Қарулы күштерінің соққы беретін негізгі нүктелері – әскери нысандар, логистика және Ресей армиясын қолдайтын энергетикалық инфрақұрылым. Ол сондай-ақ елдің ең шалғай аудандары да шабуылға ұшырауы мүмкін екенін растады.
Шойгу украин қару-жарағының, ең алдымен дрондардың және оларды пайдалану әдістерінің дамығаны соншалықты жоғары деңгейге жеткенін, «Ресейдің ешбір аймағы өзін қауіпсіз сезіне алмайтынын» атап өтті.
Бұл соғыс кезінде Ресейдің жоғарғы басшылығының ең қатал мойындауларының бірі, деп атап өтті сарапшылар.
Украина қазірдің өзінде қысқа, орта және терең қашықтыққа ұшатын шабуыл дрондарының кең ауқымын, сондай-ақ Flamingo қанатты зымырандарын жасап шығарды. Бір күн бұрын Украина Ресей аумағына қарсы баллистикалық зымырандарды сынақтан өткізе бастайтыны жарияланды.
