USD
НЬЮ-ЙОРК. 13 қыркүйек. Қазақстандық теннисшісі Елена Рыбакина жаңа ғана теннистен АҚШ-тың ашық чемпионаты – US Open финалында белорус Арина Соболенконы 2:1 есебімен ұтып, турнир жеңімпаз атанды. Бұл туралы Sport-express ақпарына сілтеме жасаған rast.kz хабарлайды.
Елена матчтың басынан өзін қолына жақсы алды. Ол бұл жолы бұрынғыдай кездесу басында тосылуын қойды. Сөйтіп, бірінші сетті 6:4 есебімен аяқтады. Ал келесі сет екі жақ үшін де аса қиынға түсті. Оның ақырында Арина 7:5 есебімен жеңіп, жалпы есепте таразы басын теңестіріп кетті.
Үшінші сет қайтадан Еленаның уысында ойнады. Ол 4:2 есебімен алда тұрған кезде енді партияны оңайлықпен бере қоймайтынын сездік. Осы тұста екпіні тау жығарлықтай болып есіп тұрған қазақстандық теннисші қыз шынымен қарсыласына дес бермей қойды. Ол сол қарқынды қимылды жеңіс жібінің ұшынан ұстағанша бәсеңсітпеді. Нәтижесінде сет 6:2 болып аяқталды. Жалпы есеп 2:1 болып таблода қонақтап тұрды.
Осы жеңіс Елена Рыбакинаның үшінші мәрте «Үлкен Дулыға» турнирінің жеңімпазы атануын қамтамасыз етіп берді.
Кездесу 2 сағат 23 минутқа созылды. 27 жастағы Рыбакина 12 эйс орындап, 5 қосарланған қате жіберіп алды және 12 брейк-поинттың 3-ін жүзеге асырды. Оның қарсыласы – 28 жастағы белорус теннисшісінің есебінде 6 эйс, 3 қосарланған қателік және 3 брейк-поинттің 1-ін пайдалану көрсеткіші болды.
Елена Рыбакина бұған дейін «Үлкен Дулыға» турниріне жататын Уимблдон сайысын 2022 жылы, Аустралияның ашық чемпионатые 2026 жылы ұтып алған еді.
US Open «Үлкен Дулыға» турнирінің жалпы жүлде қоры 108 000 000 долларды құрады.
Осымен, Рыбакина – Соболенко арасындағы кездесулердің жалпы есебі 10:8 болып қайта тіркелді. Әзірге белорус атлеті алда келеді.
