USD
МӘСКЕУ. 14 қыркүйек. Кремльдің пропагандистері өздерінің өтірік желілеріне қазақстандық әйелді пайдаланып, күллі әлемге күлкі болып жатыр. Бұл туралы Dialog.ua ақпарына сүйенген rast.kz хабарлайды.
Әлеуметтік желідегілер Ресей насихатшыларының Украинадағы жағдайды қаралап көрсететін фейк хабарларына қаннен қаперсіз отырған қазақстандық әйелдің бейнесін пайдаланғандарын паш етіп, бірден олардың масқараларын шығарды.
Кремльдіғ пропагандистері Украина мен Қазақстанға қатысты жанжалдың астында қалды.
Ресейдің мемлекеттік телеарналары Украинадағы ахуалды қаралап көрсету үшін азғындықтың тағы бір сызбасын ойлап тауыпты. Олар бұл жолы украин жеріне ешқандай қатысы жоқ материалдарды бір-бірімен жапсырып құрастырып, монтаж жасап, өз аудиторияларын алдауға көшіпті. Осыған орай бүгін РенТВ телеарнасындағы бір жалған хабар әшкере етілді: онда алаяқтар Қазақстанда тұратын бір әйелді украин жерінің тұрғыны тұрқында көрсетіп, тағы бір жанжалға ерік берді.
Өзінің осындай рөл «атқарғанынан» құлағдар болып қалған әйел өзінің 49 жылдан бері Қазақстанда тұрып келе жатқанын айтады. Ал сюжетте ол «Украина азаматы» етіп көрсетіледі де, қазақстандық теңге жайында өз пікірін айтады, ал сюжетте ол украин гривенін сөз етіп тұрғандай кейіпте көрсетіледі. Осылайша телеарна Украина территориясында қазір болып жатқан оқиға секілді етіп сюжет ұсынады.
«С***, мен 49 жылдан бері Қазақстанда тұрып келем, Қазақстан азаматы болып табыламын», – деп мәлімдейді ол.
Әйелдің айтуынша, Ресей пропагандистері Интернеттен кез келген роликті тауып алып, оның мәтінін қырқып тастап, өз сюжеттерін қоса қояды. Нәтижесінде Украинаны кемсітуге шақырып, ресейліктердің соғыс ашудың «дұрыс» болғанына көздерін жеткіздіретін жалған көрініс пайда болады.
Бұл оқиға ресейлік өтіріктің үгіт-насихат машинасының фактілерді қалай бұрмалайтынының көптеген дәлелдерінің бірі болып табылады. Фейктер отандық аудитория үшін бұқаралық сананы басқарудың құралына айналады. «Путин режимінің бүгінгі нормасы осындай», деп атап көрсетеді әлеуметтік желідегілер.
