USD
МӘСКЕУ. 6 наурыз. РФ қорғаныс министрлігі Украинада қаза тапқан өз жауынгерлері мәйіттерін жойып жіберуге бұйрық шығарды. Бұл туралы УНИАН хабарлады.
«Қызметтік пайдалану үшін» деген гриф басылған тиісті құжатқа РФ қорғаныс министрінің орынбасары Алексей Криворучко қол қойған.
РФ қорғаныс министрлігінің 26 ақпанда шығарған бұл бұйрығын «Север» жедел командованиесі өз сайтында жариялаған.
Атап айтқанда, бұл бұйрықта Украинада соғысып жатқан жеке құрамнан жеке куәліктерін жинап алып, қаза тапқан жағдайда денелерін Украинадан РФ немесе Беларусь территорияларына шұғыл алып кету және түнгі мезгілде «бауырластар бейітіне нөмірлермен көмуді ұйымдастыру» тапсырылған.
Бұдан бөлек, құжат денелерді эвакуация жасау мүмкін болмай қалған жағдайда «оларды сол жатқан жерлерінде жедел жойып жіберуді» қарастырады.
«Дұшпанның өз солдаттарына қалай қарайтынын білу керек. Украинның қаза тапқан жауынгерлері соңғы сапарға батырлар ретінде барлық құрметтерімен шығарып салынады, олар ұмытылмайды», – деген комментарий береді осы бұйрықты өз сайтында жариялап отырған командование.
