USD
МӘСКЕУ. 3 маусым. Ресей Федерациясында енді жас ерлі-зайыптылардың ажырасыларына жол берілмейді, дәріханаларда презерватив сатуға рұқсат етілмейді. Бұл туралы «Кремлевская табакерка» ақпарына сүйенген rast.kz хабарлайды.
Кремльде «туу жолында қатаң және шешуші күрес» жарияланады.
Бұған Украинадағы соғыста РФ басқыншы армиясы жауынгерлерінің шыбынша қырылып жатқаны себеп. Британия барлау қызметінің дерегіне сүйенсек, ресейлік оккупанттар сапынан қазірге дейін 500 мыңнан астам адам шығып қалған. Ал билік басындағылар үшін алдағы уақытта да «Ресей үшін соғысатын» ер жігіттер мен қыздар керек.
Алайда, телеграм-арнаның Қызыл алаң төріндегі мәнбесінің мәліметі бойынша, әзірге Ресейдегі «туу жағдайы» бұрынғысынша өте қиын болып қала береді, өйткені елді «демографиялық мәселелерді шешу жолындағы қатаң және шешуші күрес күтіп тұр».
«Біз бірден естен тандыратын санаттар мен көптеген тыйымдарға тап келмес үшін туу жолындағы нағыз келелі күресті біраз кейінге қалдырдық. Қазір біз интернеттің тазалығы үшін күресіп жатырмыз, жаңа шектеулер енгіземіз. Ал жылдың соңына қарай туу жолындағы кескекті күресті күшейтеміз деп үміттенеміз», – деді арна сұхбатшысы.
«Ол атаған күрес әдістері туралы біз бірнеше рет жаздық. Бұл шектеу, содан кейін презервативтер мен басқа контрацепция құралдарын сатуға толық вето қою, ажырасу процесіне тыйым салу немесе оның күрделендіру, аламыз отбасыларға салық салу. Алда абортқа толық тыйым салу да қарастырылуда, бірақ оның биылғы жылы енгізілетінін ашып айту қиын», – деп жазады арна тілшілері.
Тууды арттыру үшін күрес идеологтарының бірі философ Александр Дугин болып қала береді. «Біз Ресейдің бала туу ресурстарын жұмылдыруды жылдың соңында бастауды жоспарлап отырмыз. Алда көптеген соғыстар бар. Ресейге осы жауынгерлерді дүниеге әкелетін әкелер мен аналар қажет. Біздің енді уақытты босқа жоғалтуға мүмкіндігіміз жоқ», – деді пәлсапашымыз арна тілшісіне берген түсіндірмесінде.
