USD
МӘСКЕУ. 19 маусым. Ресейде астыртын, жариясыз жастарды әскер қатарына жұмылдырудың тағы бір науқаны өрістей түсті. Бұл туралы Dialog.ua ақпарына сүйенген rast.kz хабарлайды.
«Ресей Федерациясының аймақтарында рейдтер кезек алды, оның барысында қауіпсіздік қызметкерлері Қорғаныс министрлігімен келісімшарттарға қол қойдырып алу үшін ер адамдарды көшеден ұстап жатыр», – делінген хабарламада.
Ресей аймақтарында бірқатар белгілерге сүйене отырып, ер адамдарды мәжбүрлі түрде армияға жұмылдыру басталды. 18 және 19 маусымда рейдтер туралы жаппай хабарламалар тіркеледі, олардың барысында әскери комиссариаттардың қызметкерлері келісімшартқа әскери қызметшілерді күшпен жалдайды.
Бірқатар ресейлік бұқаралық ақпарат құралдары мен телеграм-пабликтердің хабарлауынша, ер адамдар көшеде және қоғамдық орындарда ұсталып, содан кейін әскери комиссариаттарға жеткізіледі. Кейбір азаматтар жолдарда тоқтап, құжаттарды тексеру және кейіннен тіркеу үшін көліктерден шығарылады.
Мұның ең айқын көріністері Пенза облысында байқалады. Сол облыстан астыртын жүріп жатқан жұмылдыру операцияларының рейдтері түсірілген видеолар әлеуметтік желіге тарай басталды. Сонымен бірге осы оқиғалар расталған хабарламалар келеді.
Бұған дейін Ресей президенті Владимир Путиннің жыл бойына үзіліссіз жұмылдыру науқанын жүргізе беру туралы жарлығы жарияланған болатын.
Бейресми ақпаратқа қарағанда, жергілікті әкімшіліктер бірнеше мың адамға әскери қызметшілерді көбейту жөнінде жоспар алған.
Демек, бұл – Ресеймен шекаралас елдерге, соның ішінде Қазақстанға бәрінен көп релоканттар, яғни әскерге барудан қашқан қашқындар легі келе бастайтын шақ туғанын ескертеді. Бұл сонымен қатар Кремльдің жуық арада Украинадағы соғысты тоқтатуға еш ниеті жоқ екенін де аңғартады.
