USD
ҚЫЗЫЛОРДА. 11 тамыз. Қызылорда облысында тұрғындардың қауіпсіздігін қамтамасыз ету бағытында шаралар өткізіліп жатыр. Бұл туралы Polisia.kz ақпарына сүйенген rast.kz хабарлайды.
Биылғы жылды ішкі істер министрлігі «Профилактика жылы» деп жарияланған болатын. Атаулы жылдың аясында Қызылорда облысы полиция департаменті ауқымды жұмыстар атқаруда. Осы орайда терроризмнің басқа да құқық бұзушылықтың алдын алуда, қоғамдық орындарда, білім беру мекемелері мен денсаулық сақтау нысандарында, адамдар көп шоғырланатын ойын-сауық орындарында полиция департаменті тарапынан тұрғындардың қауіпсіздігін қамтамасыз ету бағытында бірқатар нақты шаралар жасалып келеді.
Жүзеге асырылып жатқан жұмыстарды Қызылорда облысы ПД күзет қызметін бақылау бөлімінің бастығы Нағашыбай Нұртайұлы Жалғасбаев әңгімелеп берді.
«Терроризмнің алдын алу, нысандардың қауіпсіздігін қамтамасыз ету бағытында нысандардың терроризмге қарсы қорғалуын жетілдіру, нысан аумағын заманауи қорғаныс құралдарымен жарақтау, нысандарды жеке күзет ұйымдарының күзетшілерімен күзетке беру бағытында тиісті жұмыстар ұйымдастырылып келеді. Қазіргі таңда полиция қызметкерлері нысандардың қауіпсіздігін қамтамасыз ету жөнінде бірқатар шаралар атқарып, нысандар басшылары мен меншік иелеріне түсіндіру жұмыстары тұрақты түрде жүргізді, тексеру барысында анықталған кемшіліктерді жою туралы нұсқамалар берді. Сонымен бірге, жеке күзет ұйымдары мен білім беру ұйымдарының 165 мектеп, 103 балабақша, 27 колледж, 1 жоғары оқу орынының 8 нысаныі және 37 денсаулық сақтау саласының білім алушылар мен білім беру нысандары, ауруханалар мен емханалар күзетке алынып, дабыл тетіктерімен толық жабдықталды», – ол.
